مزدوروں کو معاشی ترقی میں حصہ دار بنانا بنیادی چیلنج ہے، شہباز شریف

اسلام آباد: وزیراعظم شہباز شریف کا کہنا ہے کہ مہنگائی کے باعث محنت کش طبقہ معاشی طور پر شدید دباؤ میں ہے،مزدوروں کو معاشی ترقی میں حصہ دار بنانا بنیادی چیلنج ہے ۔ تفصیلات کے مطابق سماجی رابطے کی ویب سائٹ ٹوئٹر پر اپنے جاری بیان میں وزیراعظم شہباز شریف نے لکھا ہے کہ آج جب کہ ہم محنت کشوں کے عالمی دن پر انہیں خراج تحسین پیش کر رہے ہیں، حقیقت یہ ہے کہ عالمی منڈیوں میں اتار چڑھاؤ نے محنت کش طبقے کی معاشی مشکلات میں شدید اضافہ کیا ہے ، اجناس کی قیمتوں میں اضافے کی وجہ سے ہی وہ معاشی طور پر شدید دباؤ میں ہیں ۔

While we pay rich tributes to the working classes & celebrate their contributions today, the fact is that the disruption in global markets has led to a severe cost of living crisis. Together with increase in commodity prices, the working people find themselves under tremendous…

— Shehbaz Sharif (@CMShehbaz) May 1, 2023

شہباز شریف کا کہنا تھا کہ ترقی کی وہ عمارت جو محنت کی بنیاد پر کھڑی ہے اگر اس کی تعمیر کرنے والوں کو ترقی کے ثمرات سے محروم رکھا گیا ہے تو یہ عمارت ٹوٹ پھوٹ کا شکار ہو جائے گی ۔ وزیراعظم نے مزید کہا کہ مزدوروں کے حقوق کو پورا کرنا اور ان کو معاشی ترقی میں حصہ دار بنانا میرے خیال میں عالمی معیشت کیلئے ایک بنیادی چیلنج ہے ۔