ویب ڈیسک: چترال میں طویل خشکی کے بعد موسم سرما کی پہلی برف باری شروع ہو چکی ہے، صوبہ پنجاب سمیت ملک کے بیشتر اضلاع میں وقفے وقفے سے بارش کے ساتھ برفباری اور دھند چھائے رہنے کا امکان ہے۔
تفصیلات کےمطابق بارش اور بلندی پر واقع علاقوں میں رات سے وقفے وقفے سے بارش اور برف باری کا سلسلہ جاری ہے۔ جس کے باعث خشک سردی کی شدت ختم ہو گئی اور موسم کافی حد تک بہتر ہوگیا ہے۔
محکمہ موسمیات نے چترال میں 5 جنوری تک بارش اور برف باری کا یہ سلسلہ وقفے وقفے سے جاری رہنے کی پیش گوئی کی گئی ہے۔
دوسری جانب بالائی خیبرپختونخوا، شمالی بلوچستان، گلگت بلتستان، کشمیر اور ملحقہ پہاڑی علاقوں میں بارش اور پہا ڑوں پر برفباری کا امکان، پنجاب، خیبر پختونخوا کے زیادہ ترمیدانی علا قوں اور بالائی سندھ میں درمیانی سے شدید دُھند چھائے رہنے کی توقع ہے۔
اسلام آباد اور گردونواح میں موسم سرد اور مطلع جزوی ابرآلود رہنے کا امکان ہے، صبح کے اوقات میں چند مقامات پر ہلکی دھند پڑ سکتی ہے۔
خیبرپختونخوا: چترال، دیر، سوات، کو ہستان ، با جوڑ ،خیبر، شانگلہ، بونیر،بٹگرام، مانسہرہ اور ایبٹ آباد میں بارش/ برفباری متوقع ہے،صوابی، مردان، پشاور، نوشہرہ ، کوہاٹ، کرک،کرم اوروزیرستان میں ہلکی بارش ہو سکتی ہے،صبح کے اوقات میں صوابی، مردان، پشاور، نوشہرہ، بنوں، ڈیرہ اسماعیل خان اور گردو نواح میں ہلکی سے درمیانی دھند پڑنے کا امکان ہے۔
صوبہ کے بیشتر اضلاع میں موسم سرد اور مطلع جزوی ابر آلود رہنے کی پیش گوئی کی گئی ہے، مری، گلیات اور گردو نواح میں مطلع جزوی ابر آلود رہنے کے علاوہ بعض مقامات پر بوندا باندی /ہلکی برفباری ہو سکتی ہے۔ صبح /رات کے اوقات میں سیالکوٹ، نارووال ،گوجرانوالہ، منگلا، جہلم ، راولپنڈی، لاہور، شیخوپورہ، قصور ،ا وکاڑہ، ساہیوال،سرگودھا، ٹوبہ ٹیک سنگھ، حافظ آباد، فیصل آباد،جھنگ،بھکر، لیہ ، ملتان،بہاولپور، بہا ولنگر،خانیوال، خانپور، رحیم یار خان ،ڈی جی خان اور گردونواح میں شدید دھند چھائے رہنے کی توقع ہے۔
صوبہ بلوچستان کے بیشتر اضلاع میں موسم سرد اور مطلع ابرآلود رہنےکا امکان ۔تاہم کو ئٹہ،چمن، پشین، زیارت، قلعہ عبدا للہ ، قلعہ سیف اللہ، ژوب،بارکھان،لورالائی،موسیٰ خیل ،قلات،پنجگور،تربت،دالبندین،لسبیلہ اورنوکنڈی میں چند مقامات پر بارش/ برفباری کی توقع ہے۔؎
صوبہ سندھ کے بیشتر اضلاع میں موسم سرد اورخشک رہنے کا امکان، صبح /رات کے اوقات میں سکھر ، شہید بینظیر آباد،شکارپور، کشمور، خیر پور، مو ہنجو دارو اور گردونواح میں درمیانی سے شدید دھند چھائے رہنے کی پیش گوئی کی گئی،کشمیر اور گلگت بلتستان میں موسم شدید سرد/مطلع ابر آلود رہنے کے علاوہ بارش / برفباری کا امکان ہے۔