ایپل نےآئی فون کا نیا ماڈل فروخت کیلئے پیش کر دیا،کون کونسے فیچرز شامل؟

ویب ڈیسک: ٹیکنالوجی کمپنی ایپل نے اپنا نیا کم قیمت ماڈل آئی فون 16 کو فروخت کے لیے پیش کر دیا۔

غیر ملکی خبر رساں ایجنسی کے مطابق آئی فون 16 ای آسٹریلیا، کینیڈا، چین، جرمنی، انڈیا، جاپان، ملائشیا، میکسیکو، جنوبی کوریا، ترکیہ، متحدہ عرب امارات، برطانیہ اور امریکہ سمیت 59 ممالک میں دستیاب ہے۔

آئی فون 16 ای کے ظاہر کو دو آئی فونز 14 (فرنٹ سے) اور 8 (بیک سے) کی طرح بتایا جا رہا ہے لیکن اس میں جدید اے 18 کی چِپ نصب ہے۔

اس کے علاوہ ایپل نے سیٹلائیٹ کنیکٹیویٹی کے لیے پہلا سی ون موڈیم، ایمرجنسی ایس او ایس، روڈ سائیڈ اسسٹنس، میسجز اور فائینڈ مائی وایا سیٹلائیٹ بھی متعارف کرایا ہے۔

ایپل نے دعویٰ کیا ہے کہ یہ بیٹری لائف کے لحاظ سے اب تک کا سب سے بہترین آئی فون ہے جو سنگل چارج پر دیگر کے مقابلے میں 6 گھنٹے زیادہ چلتا ہے۔

دوسری طرف حال ہی میں جنوبی کوریا کی ٹیکنالوجی کمپنی سام سنگ نے بھی اپنی نئی گیلیکسی ایس 25 سیریز متعارف کرائی ہے، جس میں فلیگ شپ ماڈل “گیلیکسی ایس 25 الٹرا” شامل ہے۔ یہ ماڈل 39 ممالک بشمول پاکستان، میں لانچ کیا گیا ہے۔