ویب ڈیسک: اسلام آباد پولیس کے 240 افسران کو اگلے عہدوں پر ترقیاں دے دی گئیں۔
ڈی آئی جی ڈاکٹر سید مصطفیٰ تنویر کی زیر صدارت ڈیپارٹمنٹل پرموشن بورڈز کا اجلاس ہوا،پرموشن بورڈ ہیڈ کانسٹیبل، اے ایس آئی، سب انسپکٹر اور انسپکٹر کی خالی آسامیوں پر ترقیوں کے لئے منعقد ہوا۔
پرموشن بورڈ نے تمام اچھے ریکارڈ کے حامل 2 انسپکٹرز، 20 سب انسپکٹر، 55 اے ایس آئیز، 65 ہیڈ کانسٹیبلز کی اگلے عہدوں پر ترقی کی سفارش کی۔
کنسٹیبلز سے ہیڈ کانسٹیبل کی ترقی کا بورڈ اے آئی جی لاجسٹکس محمد شعیب کی زیر صدارت منعقد ہوا،بورڈ نے 98 کنسٹیبلز کو ہیڈ کانسٹیبل کے رینک پر ترقی کی سفارش کی۔
تمام ترقیوں کے نوٹی فکیشن جاری کردئیے گئے،آئی جی اسلام آباد سید علی ناصر رضوی نے تمام خالی آسامیوں پر جلد از جلد ترقیوں کے احکامات جاری کئے تھے۔
آئی جی اسلام آباد سید علی ناصر رضوی کا کہناتھا کہ پرموشن ہر افسر کی بنیادی حق ہے،بڑی تعداد میں ترقیوں سے افسران کا مورال بلند ہوگا۔