ویب ڈیسک: برٹش ایئرلائن ایزی جیٹ کا پائلٹ دوران پرواز بے ہوش ہوگیا جس کے سبب ریڈالرٹ جاری کردیا گیا۔
غیر ملکی میڈیا کے مطابق 27 جولائی کو لندن کے لیوٹن ایئر پورٹ سے پرتگال کے شہر لزبن کے لئے اڑان بھرنے والے جہاز میں ایسا واقعہ پیش آیا جو کسی کے گمان میں بھی نہ تھا،جہاز میں 193 مسافر سوار تھے اور پرتگال لینڈنگ سے قبل معاون پائلٹ کی طبیعت اچانک بگڑ گئی اور وہ بے ہوش ہوگیا۔
میڈیا رپورٹس میں بتایا گیا ہے کہ جہاز کے ماہر عملے نے معاون پائلٹ کو فوری ابتدائی طبی امداد دی اور جہاز لینڈ ہوتے ہی سانتا ماریا ہسپتال میں پائلٹ کو علاج کیلئے بھیجا گیا،کو پائلٹ کے بے ہوش ہونے کی تصدیق ایئر لائن کی جانب سے بھی کی گئی اور بتایا گیا کہ بنیادی اصولوں کو پورا کرتے ہوئے کمرشل پروازوں میں 2 پائلٹ موجود ہوتے ہیں۔
میڈیا رپورٹس کے مطابق جہاز کی لینڈنگ میں کوئی مسائل پیش نہیں آئے اور تمام تر مسافر باحفاظت اپنے مقام پر لینڈ کرگئے۔