ویب ڈیسک: اسٹیٹ بینک آف پاکستان نے اعلان کیا ہے کہ زکوٰۃ کی کٹوتی کے سلسلے میں ملک بھر کے تمام بینک 3 مارچ بروز پیر عوامی لین دین کے لیے بند رہیں گے۔
تفصیلات کے مطابق اسٹیٹ بینک کی جانب سے جاری نوٹیفکیشن کے مطابق 3مارچ کے دن تمام بینک اور مالیاتی ادارے زکوٰۃ کٹوتی کے لیے عوامی خدمات فراہم نہیں کریں گے، تاہم بینکوں کا عملہ معمول کے مطابق اپنی ڈیوٹیز پر حاضر ہوگا۔
عوام کو مشورہ دیا گیا ہے کہ وہ اپنی بینکاری ضروریات کے لیے متبادل دنوں میں بینکوں سے رجوع کریں۔