ویب ڈیسک: لاہور کے علاقے لیاقت آباد میں خاتون نے سوتن کو قتل کرکے اس کی لاش بوری میں بند کرکے چھت پر چھپا دی۔
رپورٹ کے مطابق پولیس نے بتایا کہ ملزمہ سعدیہ نے سوتن کے ساتھ جھگڑے کے دوران سر پر بیلن مار دیا، مقتولہ کی لاش بوری میں بند کرکے چھت پر چھپا دی۔
پولیس کے مطابق 5 دن بعد تعفن پھیلا تو مقامی افراد نے پولیس کو اطلاع کی،ملزمہ سعدیہ کو حراست میں لیکر تفتیش شروع کردی۔
پولیس حکام کا کہنا تھا کہ معاملے کی تحقیقات کرکے قانون کے مطابق کارروائی کی جائے گی۔
ایس پی ماڈل ٹاؤن اخلاق اللہ تارڑ نے جائے وقوعہ کا دورہ کیا اور کہا کہ عمران نامی شخص نے 2 شادیاں کر رکھی تھیں جس کا پہلی بیوی کو رنج تھا،5 روز قبل ملزمہ سعدیہ نے سوتن طیبہ کے سر میں بیلن مار کر زخمی کیا،ملزمہ نے زخمی کرنے کے بعد مقتولہ کی نبض کاٹ کر قتل کیا۔
ایس پی ماڈل ٹاؤن نے کہا کہ ملزمہ نے نعش بوری میں بند کرکے ساتھ والے خالی کوارٹر میں پھینک دی،3 مارچ کی شب ملزمہ نعش چھت پر لیے جا رہی تھی ہمسائے نے دیکھ کر 15 پر کال کی۔واقعے کا مقدمہ درج کر کے انویسٹیگیشن کے حوالے کر دیا گیا ہے۔ سنگین وارداتوں میں ملوث ملزمان کی گرفتاری کو یقینی بنایا جا رہا ہے۔