ویب ڈیسک: بانی پی ٹی آئی عمران خان کے کانوں کے طبی معائنے کا معاملہ۔ پمز ہسپتال کے ڈاکٹرز کی 4 رکنی ٹیم اڈیالہ جیل پہنچ گئی۔
تفصیلات کے مطابق جیل ذرائع کا کہناہے کہ ڈاکٹروں کی ٹیم میں ڈاکٹر الطاف حسن، ڈاکٹر عمر فاروق شامل ہیں،ڈاکٹر علی عارف اور ڈاکٹر تاشفین امتیاز بھی ٹیم میں شامل ہیں،بانی پی ٹی آئی عمران خان کو ٹینٹس بیماری کی عرصے سے شکایت رہی ہے،اس مرض سے انسان مختلف قسم کی آوازیں کانوں میں محسوس کرتا ہے۔
جیل زرائع کا کہناہے کہ دوسرے لوگ اس آواز کو نہیں سن سکتے،بانی کے ذاتی معالج اور پمز کی میڈیکل ٹیم پہلے بھی دوائیاں تجویز کرچکے ہیں۔
ٹیم نے عمران خان کا جیل میں طبی معائنہ مکمل کیا، اس کے بعد پمز ہسپتال کے ڈاکٹروں کی چار رکنی ٹیم اڈیالہ جیل سے واپس روانہ ہوگئی۔
جیل ذرائع کا کہناہے کہ ٹیم تقریباً ایک گھنٹہ جیل میں رہی، بانی پی ٹی آئی عمران خان کا طبی معائنہ کیا گیا۔ عمران خان کا شوگر لیول اور بی پی نارمل آیا۔