(ویب ڈیسک ) بھارتی بیٹر ویرات کوہلی نے سابق آسٹریلوی کپتان رکی پونٹنگ کا بڑا ریکارڈ توڑ دیا۔
دبئی میں چیمپئنز ٹرافی کے پہلے سیمی فائنل میں کوہلی نے 27 ویں اوور میں جدیجا کی گیند پر جوش انگلس کا کیچ پکڑا،جو ون ڈے کرکٹ میں ان کا 161 واں کیچ تھا۔
کوہلی نے 161 کیچ پکڑ کر پونٹنگ کو پیچھے چھوڑ دیا اور وہ ون ڈے کرکٹ میں زیادہ کیچز پکڑنے والے کرکٹرز کی فہرست میں دوسرے نمبر پر آگئے ہیں۔
خیال رہے کہ پہلے نمبر پر سری لنکا کے سابق کپتان مہیلا جے وردھنے ہیں جنہوں نے 448 میچز میں 218 کیچزکیے تھے۔
اس میچ میں ویرات نے ناتھن ایلس کا بھی کیچ پکڑا اور یوں ان کے کیچز کی تعداد 301 میچز میں 162 ہوگئی ہے جبکہ رکی پونٹنگ نے 375 میچز میں 160 کیچ کیے تھے۔