ویب ڈیسک: پاکستانی ایتھلیٹ حسنین ولی کریمی کا ایک اور اعزاز۔ حسنین ولی نے باڈی بلڈنگ میں مسٹر یونیورس کا ٹائٹل اپنے نام کردیا۔ اس کے علاوہ ایتھلیٹ نے آئی ایف بی بی میں 2 گولڈ میڈلز اور 1 کانسی کا تمغہ جیتا۔
حسنین ولی نے انڈر 70 کلو گرام اور کلاسک فزیک میں گولڈ میڈلز جیتے۔ پاکستانی ایتھلیٹ حسنین ولی مین فزیک میں کانسی کا تمغہ جیتے۔
انٹرنیشل فیڈریشن آف باڈی بلڈنگ کے ایونٹ میں 100 سے زائد ممالک کے ایتھلیٹ شریک تھے۔ حسنین ولی اس سے قبل مسٹر آسٹریلیا کا ٹائٹل اپنے نام کرچکے ہیں۔ حسنین ولی اب تک 7 سونے، 11چاندی اور 1 کانسی کا میڈل جیت چکے ہیں۔
حسنین ولی نے اپنے بیان میں کہا ہے کہ میری مسٹر ورلڈ کامیابی پر تمام پاکستانیوں کو مبارک ہو۔ پندرہ سال قبل میں آسٹریلیا آیا تھا اب میرے پاس 19 میڈل ہوچکے ہیں۔ میں نے دن رات محنت کرکے یہ کامیابی سمیٹی ہے۔