گرگٹ کی طرح رنگ بدلنے والی منفرد گاڑی بنا لی گئی

آپ نے گاڑیاں تو بے شمار دیکھی ہوں گی مگر ایسی نہیں دیکھی ہوگی کہ جیسی بی ایم ڈبلیو نے تیار کی ہے جو کسی گرگٹ کی طرح رنگ بدلنے کی صلاحیت رکھتی ہے ۔ لاس ویگاس میں کنزیومر الیکٹرونکس شو (سی ای ایس) کے موقع پر بی ایم ڈبلیو نے آئی ایکس فلو نامی اس کانسیپٹ گاڑی کو پیش کیا ہے ، اس گاڑی کیلئے ای انک میں موجود الیکٹروفوریٹک ٹیکنالوجی کو استعمال کیا گیا ہے ۔اس ٹیکنالوجی کی مدد سے اس گاڑی میں تقریبا رنگ فوری طور پر بدل جاتا ہے،مگر یہ ہوتا کیسے ہے ؟آئی ایکس فلو میں ایک اسپیشل wrap موجود ہے جو برقی تحرک کے ذریعے گاڑی کی سطح کے رنگوں کو بدلنے میں مدد کرتا ہے ۔ گرگٹ کی طرح رنگ بدلنے کی یہ صلاحیت بھی صارف کی مرضی کے مطابق ہی کام کرتی ہے چاہے تو پوری گاڑی کا رنگ بدل دیں، ورنہ اطراف میں بدلا جاسکتا ہے، پٹییوں کی شکل یا جیسا بھی دل کرے۔یہ ٹیکنالوجی صارف کو انہی کی مرضی کے مطابق گاڑی کی رنگت بدلنے میں مدد فراہم کرتی ہے ۔آئی ایکس فلو پراجیکٹ کی منیجر اسٹیلا کلارک کا کہنا ہے کہ یہ گاڑی روزمرہ کی زندگی کے حالات اور مختلف موڈز کا اظہار بھی کرسکے گی۔فی الحال تو یہ گاڑی وائٹ ، بلیک اور گرے رنگ بدل سکتی ہے ۔

This color changing @BMWUSA #iX is wild! It’s apparently very temperature sensitive so they have a backup in a trailer in case this one gets too hot / cold pic.twitter.com/lXG1Gw0IKY

— Out of Spec Studios (@Out_of_Spec) January 4, 2022

کمپنی کے مطابق ایک فائدہ یہ بھی ہے کہ گرم دن میں وائٹ گاڑیاں بلیک کے مقابلے میں زیادہ ٹھنڈی رہتی ہیں جبکہ سرد دن میں گہرا رنگ گاڑیوں کو سورج کی زیادہ روشنی جذب کرنے میں مدد فراہم کرتا ہے۔اس سے گرم یا سرد دن میں ہیٹنگ یا کولنگ کی شرح میں کمی لانے میں مدد ملے گی اور گاڑی کی افادیت میں بھی کچھ بہتری آئے گی ۔ مگر کمپنی نے ابھی یہ واضح نہیں کیا ہے کہ مستقبل قریب میں اس گاڑی کو عام صارفین کے لیے متعارف کروایا جائے گا یا نہیں ۔