صحافی عمران ریاض خان کو گرفتار کرلیا گیا

اسلام آباد: ذرائع کا کہنا ہے کہ سینئر صحافی عمران ریاض خان کو اسلام آباد ٹول پلازہ سے گرفتار کیا گیا ہے۔ ذرائع کے مطابق سینئر صحافی عمران ریاض خان کو پولیس نے اسلام آباد ٹول پلازہ سے حراست میں لیا۔ ذرائع کا کہنا ہے کہ صحافی عمران ریاض خان کو اٹک پولیس نے گرفتار کیا اور ان کی گرفتاری کے وقت پولیس کی بھاری نفری موقع پر موجود تھی۔

#WeStandWithImranRiaz pic.twitter.com/PCP9naTkep

— Ihtisham Ul Haq (@iihtishamm) July 5, 2022

سینئر صحافی عمران ریاض خان کے چھوٹے بھائی نے ویڈیو پیغام جاری کیا ہے جس میں انہوں نے عمران ریاض خان کی گرفتاری کی تصدیق کی ہے۔ پاکستان تحریک انصاف کے رہنما شہباز گل نے سماجی رابطے کی ویب سائٹ ٹوئٹر پر کہا ہے کہ آخر کار عمران ریاض کو گرفتار کر لیا گیا۔ راہ حق پر کھڑے ہونے کی یہ قیمت ہے۔ اللہ آپکا حامی و ناصر ہو۔

آخر کار عمران ریاض کو گرفتار کر لیا گیا۔ راہ حق پر کھڑے ہونے کی یہ قیمت ہے۔ اللہ آپکا حامی و ناصر ہو۔

— Dr. Shahbaz GiLL (@SHABAZGIL) July 5, 2022