(ویب ڈیسک ) متحدہ عرب امارات ( یو اے ای ) کے قونصل جنرل بخیت عتیق الرومیتی کا کہنا ہے کہ گورنرسندھ کھیلوں کی سرگرمیوں کو سراہاتے ہیں ، گورنرسندھ کیساتھ ملکرسندھ میں مارشل آرٹ کے فروغ کیلئے کام کریں گے۔
گورنرہاوس میں پاکستان یو اے ای جیو جِتسو فرینڈشپ کپ 2024کی تقریب کاانعقاد ہوا، تقریب میں گورنرہاوس اور یو اے ای کے درمیان ایم او یوپردستخط ہوگئے۔
اس موقع پر متحدہ عرب امارات ( یو اے ای ) کے قونصل جنرل بخیت عتیق الرومیتی نے کہا کہ گورنرسندھ کا شکریہ ادا کرتاہوں۔ گورنرسندھ کی پاکستان کےلیے خدمات ہیں۔
انہوں نے کہا کہ گورنرسندھ کھیلوں کی سرگرمیوں کو سراہاتے ہیں۔ مارشل آرٹ بہت اہمیت کا حامل ہے۔عرب امارات مارشل آرٹ کو کافی اہمیت دیتے ہیں، مارشل آرٹ جسمانی فٹنس کے لیے بہت عمدہ کھیل ہے۔
بخیت عتیق الرومیتی نے کہا کہ گورنرسندھ کے ساتھ ملکرپورے سندھ میں مارشل آرٹ کے فروغ کےلیے کام کریں گے۔ گورنر سندھ جس شعبے میں فوکس کرتے ہیں وہ کامیاب ہوجاتاہے۔
انہوں نے پاکستان عرب امارات دوستی زندہ باد کا نعرہ بھی لگایا۔