(ویب ڈیسک ) اسٹیٹ بینک آف پاکستان کے مطابق ملکی زرمبادلہ ذخائر میں 3 کروڑ 25 لاکھ ڈالر کا اضافہ ہوا ہے۔
مرکزی بینک کا کہنا ہے کہ جولائی کے آخری ہفتے میں زرمبادلہ ذخائر میں 3 کروڑ 25 لاکھ ڈالر کا اضافہ ریکارڈ کیا گیا جس کے بعد مجموعی ذخائر 22 ارب 47 کروڑ ڈالر تک پہنچ گئے ہیں ۔
اسٹیٹ بینک کے پاس موجود زرمبادلہ ذخائر 1 کروڑ 31 لاکھ ڈالر اضافے کے بعد 17 ارب 4 کروڑ ڈالر ہوگئے۔
اسٹیٹ بینک کا کہنا ہے کہ کمرشل بینکوں کے ذخائر بھی 1 کروڑ 94 لاکھ ڈالر بڑھ کر 5 ارب 43 کروڑ ڈالر تک پہنچ گئے۔