ویب ڈیسک: امریکی صدر کا وفاقی ملازمین کو استعفے کی پیشکش کا آخری روز، استعفے کی صورت میں ملازمین کو ستمبر تک کی تںخواہ کی ادائیگی کی جائے گی۔
وائٹ ہاؤس کی طرف سے جاری بیان میں کہا گیا کہ استعفے دینے والے ملازمین مزید کام نہیں کرسکیں گے،استعفیٰ نہ دینے کی صورت میں ملازمین کو برطرف کیا جا سکتاہے،امریکی صدر نے لاکھوں وفاقی ملازمین کو استعفی کی پیشکش کی تھی۔
اطلاعات کے مطابق کم از کم 40,000 سرکاری ملازمین نے آٹھ ماہ کے ریٹائرمنٹ پیکیج کے ساتھ استعفیٰ دینے پر اتفاق کیا ہے۔
یہ خبر سی این این کے نشریاتی ادارے نے اس معاملے سے واقف ایک سرکاری اہلکار کے حوالے سے دی۔
این بی سی نیوز براڈ کاسٹر نے جنوری کے آخر میں بتایا تھا کہ امریکی صدر ڈونالڈ ٹرمپ کی انتظامیہ نے سرکاری ملازمین کو آٹھ ماہ کے ریٹائر منٹ پیکج کی پیشکش کی جو رضا کارانہ طور پر استعفی دینے کے لیےتیار ہیں۔
بتایا جارہا ہے کہ 10 فیصد امریکی افسران نے اس تجویز کو قبول کر لیا ہے جس سے حکومت کو اربوں ڈالر کی بچت ہو گی۔
براڈ کاسٹر کی رپورٹ کے مطابق، مجموعی طور پر ، امریکہ میں تقریباً 20 لاکھ سرکاری ملازمین کو یہ پیشکش موصول ہوئی ہے۔
ٹرمپ انتظامیہ کے ایک اہلکار نے براڈ کاسٹر کو بتایا شرائط کے تحت استعفیٰ دینے کے خواہشمند افراد کی تعداد بڑھ رہی ہے، لیکن دفتر برائے پر سنل مینجمنٹ ڈیڈ لائن کے بعد استعفوں کو قبول کرنا جاری رکھنے کا ارادہ نہیں رکھتا ہے۔