ویب ڈیسک: بھارتی دارالحکومت دہلی کے علاقے لجپت نگر میں ایک 30 سالہ کشمیری نوجوان زبیر احمد بٹ کی پرتشدد موت نے نئی بحث کو جنم دے دیا ہے۔
تفصیلات کے مطابق پہلگام کے واقعے کے بعد سے کشمیری مسلمانوں کے خلاف انتظامی قتل کا سلسلہ معمول بن گیا، کشمیری مسلمان مقبوضہ وادی میں ہی نہیں، بلکہ پورے بھارت میں خوف کے سائے تلے زندگی گزار نے پر مجبور ہیں۔
بھارتی پولیس کی پر تشدد کاروائیوں نے اور کشمیری نوجوان کی جان لے لی،حال ہی میں دہلی کے لجپت نگر میں 30 سالہ کشمیری نوجوان زبیر احمد کو بے دردی سے قتل کیا گیا،زبیر احمد بٹ کی تشدد زدہ لاش دہلی کے ایک عوامی پارک میں ملی۔
معروف کشمیری سماجی کارکن التجا مفتی نے دعویٰ کیا ہے کہ زبیر احمد بٹ کا قتل کوئی معمہ نہیں، دہلی پولیس نے گرفتار کر کے وحشیانہ تشدد کیا،تیس سالہ زبیر اپنی والدہ اور بہن بھائیوں کا واحد کفیل تھا،بے گناہ کشمیریوں کی جانوں کو بغیر ثبوت ختم کرنے کا یہ سلسلہ کب ختم ہوگا؟۔
جموں و کشمیر اسٹوڈنٹس ایسوسی ایشن نے زبیر احمد بٹ کے واقعے کی فوری اور شفاف تحقیقات کا مطالبہ کر دیا،ذمہ داروں کو گرفتار کر کے انصاف فراہم کیا جائے۔