لاہور(پبلک نیوز) صوبائی دارالحکومت لاہور کے علاقے سمن آباد میںخواتین کیساتھ نازیبا حرکات کرنے والا نوجوان گرفتار کر لیا گیا.
لاہور کے علاقے سمن آباد میں خاتون کو ہراساں کرنے کے الزام میں نوجوان کو گرفتار کرلیا گیا۔ پولیس کے مطابق خواتین کو گلی میں ہراساں کیا گیا اور اس واقعے کی ویڈیو وائرل ہوئی ۔ پولیس کے مطابق موٹر سائیکل سوار ملزم یاسر کو سی سی ٹی وی فوٹیج کی مدد سے گرفتار کیا گیا، ملزم کے خلاف مقدمہ درج کر کے تفتیش کا آغاز بھی کر دیا گیا ہے۔
راہ چلتی لڑکیوں سے گھٹیا حرکتیں کرنے والے غنڈے کو سمن آباد پولیس لاہور نے CCTV فوٹیج کی مدد سے گرفتار کر کے قانونی کاروائی شروع کر دی @DIGOpsLahore @CcpoLahore pic.twitter.com/rO1XNIKF6d
— Azhar (@MashwaniAzhar) September 5, 2021
واضح رہے کہ لاہور میں گزشتہ کچھ دنوں کے دوران خواتین کو ہراساں کیے جانے کے واقعات میں اضافہ ہوا ہے، 14 اگست کے دن سیکڑوں نوجوان کی جانب سے مینار پاکستان پر ایک لڑکی کو ہراساں کیے جانے کی ویڈیو بھی وائرل ہوئی تھی جس پر اعلیٰ حکام نے نوٹس لیا تھا.