ویب ڈیسک: وزیراعظم شہباز شریف نےفیلڈمارشل سید عاصم منیر کے ہمراہ عمرہ ادا کر لیا۔ انہوں نے پاکستان کی ترقی و خوشحالی کے لیے خصوصی دعائیں بھی کیں۔
وزیراعظم کے ہمراہ نائب وزیراعظم و وزیر خارجہ اسحاق ڈار، فیلڈ مارشل سید عاصم منیر، وزیر دفاع خواجہ آصف، وفاقی وزیر اطلاعات و نشریات عطا تارڑ اور دیگر اعلیٰ حکام بھی موجود تھے۔ عمرے کی ادائیگی سے قبل پاکستانی وفد نے خانۂ کعبہ کی زیارت کی سعادت حاصل کی، جبکہ پاکستان کی سلامتی، ترقی، خوشحالی اور عوام کی فلاح و بہبود کے لیے خصوصی دعائیں کی گئیں۔
مکہ مکرمہ: 7 اگست 2026.
— Prime Minister's Office (@PakPMO) August 7, 2026
وزیراعظم محمد شہباز شریف، نائب وزیرِ اعظم و وزیرِ خارجہ سینیٹر محمد اسحاق ڈار، آرمی چیف و چیف آف ڈیفینس فورسز سید عاصم منیر، وفاقی وزراء خواجہ محمد آصف، عطاء اللہ تارڑ، معاون خصوصی طارق فاطمی اور پاکستانی وفد نے مکہ مکرمہ میں عمرہ ادا کیا.
عمرہ کی… pic.twitter.com/fgRwZlMCzP
اس سے قبل وزیراعظم شہباز شریف کی جدہ آمد پر نائب گورنر جدہ شہزادہ سعود بن مشعل نے ان کا پرتپاک استقبال کیا۔
وزیراعظم اپنے دورۂ سعودی عرب کے دوران سعودی ولی عہد و وزیراعظم شہزادہ محمد بن سلمان سے بھی ملاقات کریں گے۔ ملاقات میں پاکستان اور سعودی عرب کے درمیان دیرینہ برادرانہ تعلقات، دوطرفہ تعاون، اقتصادی شراکت داری اور باہمی دلچسپی کے اہم علاقائی و عالمی امور پر تبادلۂ خیال متوقع ہے۔