ویب ڈیسک: افغانستان کے جارح مزاج اوپنر رحمان اللہ گرباز نے پاکستان سپر لیگ (پی ایس ایل) کے 11ویں سیزن سے دستبردار ہونے کا اعلان کر دیا ہے۔ گرباز کو پشاور زلمی نے پی ایس ایل 11 کے لیے آکشن سے قبل ڈائریکٹ سائننگ کے ذریعے اسکواڈ میں شامل کیا تھا۔
رحمان اللہ گرباز نے انسٹاگرام پر پشتو زبان میں ایک ویڈیو پیغام کے ذریعے پی ایس ایل میں عدم شرکت کی تصدیق کی۔ انہوں نے کہا کہ ذاتی مصروفیات کے باعث وہ لیگ کے لیے دستیاب نہیں ہوں گے اور ورلڈ کپ کے بعد افغانستان واپس جا رہے ہیں۔
اپنی پوسٹ کے کیپشن میں گرباز نے مداحوں کی محبت اور حمایت پر شکریہ ادا کیا۔
واضح رہے کہ پشاور زلمی نے 5 فروری کو سوشل میڈیا کے ذریعے گرباز کی سائننگ کا باضابطہ اعلان کیا تھا، تاہم معاہدے کی مالی تفصیلات ظاہر نہیں کی گئیں۔
We are proud to confirm the direct signing of Afghanistan’s star wicketkeeper-batter, @RGurbaz_21
— Peshawar Zalmi (@PeshawarZalmi) February 5, 2026
Explosive with the bat.
???? Lightning-fast behind the stumps.
A gun fielder with extraordinary energy.
A warm welcome to the Zalmi Fam ????#Zalmi #YellowStorm pic.twitter.com/jl8b61WUwL
یاد رہے کہ پی ایس ایل کا 11واں ایڈیشن 26 مارچ سے شروع ہو کر 3 مئی تک جاری رہے گا۔