غیر ملکی طاقتیں پاکستان کو غیر مستحکم کرنا چاہتی ہیں،وزیر داخلہ

غیر ملکی طاقتیں پاکستان کو غیر مستحکم کرنا چاہتی ہیں،وزیر داخلہ
وزیرداخلہ شیخ رشید احمد نے کہاہے کہ خیبرپختونخوا میں دہشت گردوں کے ایک بڑے نیٹ ورک کا سراغ لگایاگیا ہے اور بعض غیرملکی قوتیں پاکستان کو غیرمستحکم کرنا چاہتی ہیں۔انہوں نےپیر کے روز اسلام آباد میں ایک پریس کانفرنس سے خطاب کرتے ہوئے کہاکہ وزیراعظم عمران خان نے آزاد اور خودمختار خارجہ پالیسی کی بنیاد رکھی ہے اورسامراجی قوتوں کو واضح پیغام دیا ہے کہ پاکستان کی سرزمین ڈرون حملوں کیلئے استعمال نہیں ہونے دی جائے گی ۔ وزیرداخلہ نے کہاکہ موجودہ اقتصادی صورتحال کو مدنظر رکھتے ہوئے وزیراعظم نے پیٹرول ، ڈیزل اور بجلی کی قیمتوں میں کمی کرکے عوام کو بڑا ریلیف دیا ہے ۔ملک میں موجودہ سیاسی صورتحال پرتبصرہ کرتے ہوئے شیخ رشید نے کہاکہ وزیراعظم کے خلاف تحریک عدم اعتماد ناکام ہوگی اور عمران خان تمام بحرانوں سے فاتح بن کر نکال لیںگے. انہوں نے کہاکہ شکست حزب اختلاف کی جماعتوں کا مقدرہے۔اپوزیشن جماعتوںکے لانگ مارچ کا حوالہ دیتے ہوئے انہوں نے کہاکہ ملک سیلاب اور زلزلے سے نہیں بلکہ انتشار سے تباہ ہوتے ہیں انہوں نے حزب اختلاف پرزوردیا کہ وہ ذمہ داری کا مظاہرہ کرے۔وزیرداخلہ کاکہنا تھا کہ پیپلزپارٹی کے لانگ مارچ کے راستے میں کوئی رکاوٹ کھڑی نہیں کی جائے گی اورانھیں ہرممکن تحفظ فراہم کیاجائے گا ۔ ایک سوال کے جواب میں انہوں نے کہاکہ پاکستان تحریک انصاف آئندہ سال چاروں صوبوں سے عام انتخابات میں حصہ لے گی اور تحریک انصاف اور مسلم لیگ نون کے درمیان اصل مقابلہ پنجاب میں ہوگا ۔انہوں نے اسلام آباد میں اسلامی تعاون تنظیم کی وزرائے خارجہ کونسل کے اجلاس کے سلسلے میںرواں ماہ کی بائیس سے چوبیس تاریخ تک مقامی سطح پر تعطیلات کا اعلان بھی کیا۔ ہمیں فالو کریں

Watch Live Public News

ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔