ویب ڈیسک: آسٹریلیا کے سابق کپتان رکی پونٹنگ بھی پاکستان میں مسلسل کپتانوں کی تبدیلی پر حیران ہوگئے۔
ایک بیان میں رکی پونٹنگ نے کہاکہ پاکستان کرکٹ بورڈ مسلسل کپتان کی تبدیلی کر رہا ہے۔ ایک دن شاہین پھر بابر اور اب رضوان۔ رکی پونٹنگ کا کہناتھاکہ پاکستان کے وائٹ بال فارمیٹ کے معاملات میں بہت سی تبدیلیاں ہو رہی ہیں اور آپ اس عدم استحکام کو نہیں دیکھنا چاہتے ہیں لیکن میرا خیال ہے کہ وہ کچھ ایسا تلاش کرنے کی کوشش کر رہے ہیں جو کام کرے اور جب تک انہیں کچھ کارگر نہ مل جائے۔ وہ صحیح نتائج کے حصول تک تبدیلیاں کرتے رہنے کے لیے تیار ہیں۔
رکی پونٹنگ کا کہناتھا کہ رضوان ایسا کھلاڑی ہے جسے دیکھ کر اچھا لگتاہے۔ وہ ایک جارحانہ طرز کا کھلاڑی ہے جو کھیل کو سنبھال کر دل سےکھیلتا ہے۔ رضوان میدان میں کافی جذباتی ہوجاتا ہے، جو کہ ایک اچھی چیز ہے۔
رضوان کی کپتان کو جانچنے کے حوالے سے انکا کہناتھا کہ رضوان کوجانچنے کا پتہ تب تک نہیں چلے گاجب تک انہیں اچھا موقع نہ دیا جائے گا۔ آسٹریلیا سیریز سمیت چند ہفتوں بعد ہی اندازہ ہوگا کہ وہ کس طرز کا کپتان ہے۔