ویب ڈیسک: ملک بھر میں سونے کی قیمتوں میں اضافے کا سلسلہ جاری ، سونے کی فی تولہ قیمت میں 600 روپے کا اضافہ ہوگیا۔
تفصیلات کے مطابق فی تولہ سونا 600 روپے اضافے کے بعد 2 لاکھ 45 ہزار 700 روپے کی نئی بلند سطح پر پہنچ گیا ہے۔
جبکہ دس گرام سونا 514 پوائنٹس اضافے کے بعد 2 لاکھ 10 ہزار 648 پوائنٹس پر پہنچ گیا۔
عالمی گولڈ مارکیٹ میں سونا 5 ڈالرز اضافے سے 2355 ڈالرز فی اونس نئی کی بلند سطح پر پہنچ گیا۔
یاد رہے کہ 6 اپریل کو ملک بھر میں سونے کی فی تولہ قیمت 4 ہزار 900 روپے کے بڑے اضافے کے بعد 2 لاکھ 45 ہزار100 روپے بُلند ترین سطح پر پہنچ گئی تھی۔