ویب ڈیسک: قومی کرکٹ ٹیم کے آل راؤنڈر خوشدل شاہ نے پاکستان کرکٹ چھوڑ کر امریکا کی جانب سے کھیلنے سے متعلق خبروں کی تردید کردی۔
تفصیلات کے مطابق سوشل میڈیا پر خوشدل شاہ کے پاکستان کرکٹ سے کنارہ کشی اختیار کرکے امریکا کی نمائندگی کرنے سے متعلق خبریں گردش کر رہی تھیں۔
تاہم خوشدل شاہ نے سماجی رابطے کی ویب سائٹ ایکس پر جاری اپنے بیان میں ان خبروں کو جھوٹا اور من گھڑت قرار دے دیا۔
There’s fake news going around claiming I’m leaving Pakistan cricket and it’s completely untrue. Pakistan is my home, and representing this country has always been my top priority and greatest honor. Please don’t believe these baseless rumors. My commitment to Pakistan cricket…
— Khushdil Shah (@KhushdilShah_) August 7, 2026
آل راؤنڈر نے کہا کہ پاکستان کرکٹ چھوڑنے سے متعلق جھوٹی خبریں گردش کر رہی ہیں، پاکستان ان کا گھر ہے اور اپنے ملک کی نمائندگی کرنا ہمیشہ ان کی اولین ترجیح اور سب سے بڑا اعزاز رہا ہے۔
خوشدل شاہ نے کہا کہ عوام سے درخواست ہے کہ بے بنیاد افواہوں پر یقین نہ کریں۔ پاکستان کرکٹ کے ساتھ ان کی وابستگی میں نہ کبھی کوئی تبدیلی آئی ہے اور نہ ہی آئے گی۔