ویب ڈیسک: اسپیکر پنجاب اسمبلی ملک احمد خان نے کہا ہے کہ سنی اتحاد کونسل احتجاج کرنا چاہتی ہے تو کرے، یہ ان کا حق ہے۔
تفصیلات کے مطابق لاہور میں میڈیا سے بات کرتے ہوئے ملک احمد خان کا کہنا تھا کہ آج جمعہ کا دن ہے، اس لیے پنجاب اسمبلی کا اجلاس جلدی بلایا گیا ہے۔
اسپیکر پنجاب اسمبلی نے کہا کہ ممبرز کی آسانی کیلئے اجلاس کا وقت تبدیل کیا گیا، جلد اجلاس بلانے کا لاہور ہائیکورٹ میں ہونے والی سماعت سے کوئی تعلق نہیں۔
یاد رہے کہ پنجاب اسمبلی کا اجلاس آج طلب کیا گیا ہے جس میں مخصوص نشستوں پر نومنتخب ارکان حلف اٹھائیں گے۔