(ویب ڈیسک ) ملک میں پولیو کا نیا کیس رپورٹ ہوگیا ہے۔
تفصیلات کے مطابق گھوٹکی کے بچے میں پولیو وائرس کی تصدیق ہوئی ہے ،نیشنل ای او سی کے مطابق سندھ کے ضلع گھوٹکی میں بچے میں پولیو وائرس کی تصدیق ہوئی ہے۔
ای او سی کے مطابق ضلع گھوٹکی، سکھر، رحیم یار خان اور شکارپور جیسے اضلاع سے متصل ہے۔ ان شہروں میں رواں سال کے شروع میں ہی وائرس کی اطلاع ملی تھی۔ ضلع گھوٹکی سے پولیو کا یہ پہلا کیس رپورٹ ہوا ہے۔
واضح رہے کہ ملک میں مجموعی طور پر پولیو کیسز کی تعداد 47 ہو گئی ہے۔صوبہ سندھ میں پولیو کیسز کی تعداد 13 ہے جبکہ صوبہ بلوچستان میں اب تک پولیو کے 23 کیسز سامنے آ چکے ہیں ، کے پی کے میں اب تک پولیو کے 9 کیسز رپورٹ ہو چکے ہیں۔