ویب ڈیسک:بھارت کے وکٹ کیپر بلے باز کے ایل راہول اور بالی ووڈ اداکارہ اتھیا شیٹی نے 8 نومبر کو پہلے بچے کی پیدائش کی آمد کا اعلان کر کے مداحوں کو سرپرائز دے دیا۔
جنوری 2023 میں شادی کرنے والے اس جوڑے نے سوشل میڈیا پر ایک پوسٹ کے ذریعے یہ خوشی کی خبر شیئر کی،پوسٹ میں انہوں نے اپنے جوش و خروش اور تشکر کا اظہار کیا کیونکہ وہ 2025 میں اپنے بچے کو خوش آمدید کہنے کے منتظر ہیں۔
اس سادہ سی گرافک پوسٹ میں لکھا تھا کہ 'ہماری خوبصورت رحمت جلد آرہی ہے، 2025'۔اتھیا اور راہول'۔
تاہم اس کے علاوہ بچے کی پیدائش کے متوقع مہینے یا جینڈر کے حوالے سے کوئی معلومات شیئر نہیں کی گئی، ان کی پوسٹس پر کرکٹ اور بالی ووڈ کی مشہور شخصیات کے ساتھ ساتھ مداحوں کی جانب سے مبارکباد کے پیغامات کا ایک سیلاب امڈ آیا۔
دوسری جانب بالی ووڈ اسٹار سنیل شیٹی کی بیٹی اتھیا نے بھی ایسی ہی ایک پوسٹ شیئر کی، جس میں اپنے جوش کا اظہار کیا اور آگے کے شاندار سفر کا اشارہ دیا۔