ویب ڈیسک: پاکستانی کرکٹر عباس آفریدی نے ہانگ کانگ سپر سکسز ٹورنامنٹ میں ایک شاندار کارنامہ سرانجام دیا، جب انہوں نے کویت کے خلاف کھیلے گئے میچ میں ایک ہی اوور میں 6 چھکے مار کر سوشل میڈیا پر دھوم مچادی۔
عباس آفریدی نے 124 رنز کے تعاقب میں صرف 12 گیندوں پر 55 رنز بنائے، جن میں 8 چھکے شامل تھے۔ ان کی میچ وننگ اننگز کی بدولت پاکستان نے کویت کو 4 وکٹوں سے شکست دے کر ٹورنامنٹ میں کامیابی کے ساتھ آغاز کیا۔
????Big win for Pakistan against Kuwait in the Hong Kong Super Sixes!
— ICC Asia Cricket (@ICCAsiaCricket) November 7, 2025
They beat Kuwait by 4 wickets, with Abbas Afridi smashing six sixes in an over! ????#HongKongSixes pic.twitter.com/WjppEmAqTx
پاکستان اور بھارت کے درمیان دوسرا میچ بارش سے متاثر ہوا، جس کے نتیجے میں ڈیل ایل میتھڈ کے تحت بھارت نے 2 رنز سے فتح حاصل کی۔
یاد رہے کہ عباس آفریدی نے جنوری 2024 میں نیوزی لینڈ کے خلاف اپنے ڈیبیو میچ میں قومی ٹیم کی نمائندگی کی تھی۔ ان کی حالیہ کارکردگی نے ان کی صلاحیتوں کو مزید اجاگر کیا ہے، اور وہ مستقبل میں پاکستان کے لیے ایک اہم کھلاڑی بن سکتے ہیں۔