(ویب ڈیسک ) پاکستان کرکٹ بورڈ ( پی سی بی )نے ہیڈ آف یوتھ ڈیویلپمنٹ کا عہدہ متعارف کروادیا ہے۔
پی سی بی نے ہیڈ آف یوتھ ڈویلپمنٹ کی تلاش شروع کر دی ہے۔ ہیڈ آف یوتھ ڈویلپمنٹ کی پوزیشن کے لیے پی سی بی نے اشتہار جاری کر دیا ہے۔
ہیڈ آف یوتھ ڈویلپمنٹ کی انڈر 13 سے لے کر انڈر 19 تک کرکٹ کی ڈویلپمنٹ کو پروموٹ کرنے کا ذمہ داری ہوگی، ہیڈ آف یوتھ ڈویلپمنٹ ملک بھر میں ٹیلنٹ کی تلاش کے لیے ریجنل اکیڈمیز، کوچز اور ایسوسی ایشنز کے ساتھ کام کرے گا۔
ہیڈ آف یوتھ ڈویلپمنٹ کے لیے پی سی بی لیول 2 ایکریڈیشن کے ساتھ کم از کم 50 ٹیسٹ یا ون ڈے انٹرنیشنل میچز کا کھیلنا ضروری قرار دیا گیا، ہیڈ آف یوتھ ڈویلپمنٹ گراس روٹ اسٹرکچر کو بنانے کے ساتھ ملک بھر سے نوجوان ٹیلنٹ کی تلاش کرے گا۔
ہیڈ آف یوتھ ڈویلپمنٹ کے عہدے کے لیے امیدوار 24 اکتوبر تک درخواستیں جمع کراسکتے ہیں۔
ہیڈ آف یوتھ ڈویلپمنٹ کے لیے نامور سابق کرکٹرز کو لانے کی تیاری کی جارہی ہے، اس حوالے سے چیئرمین پی سی بی کی حال ہی میں سابق کرکٹرز کے ساتھ ملاقاتیں بھی ہوچکی ہیں۔
ذرائع کا کہنا ہے کہ ہیڈ آف یوتھ ڈویلپمنٹ کے عہدے کے لیے اظہر علی مضبوط امیدوار ہیں۔