اسلام آباد (پبلک نیوز) گیلپ سروے کے تازہ ترین نتائج سامنے آ گئے ہیں جن کے مطابق بیشتر پاکستانیوں نے حکومتی کارکردگی پر اطمینان کا اظہار کیا ہے.
گیلپ کے عوامی سروے کے مطابق حکومت بہت احسن طریقے سے چلائی جا رہی ہے جبکہ 70 فیصد پاکستانیوں کا خیال ہے کہ تحریک انصاف کی حکومت اپنی آئینی مدت کو مکمل کرے گی. گیلپ کے مطابق 69 فیصد عوام کا خیال ہے کہ حکومت نے کورونا وباء کے دوران بہترین کارکردگی کا مظاہرہ کیا جبکہ 58 فیصد نے خارجہ محاز پر حکومت کی کارکردگی کو سراہا ہے اور 24 فیصد نے اس معاملے میں عدم اطمینان کا اظہار کیا ہے.
Nearly half of Pakistanis (48%) believe that Imran Khan’s government performance over the past 3 years has been good: (Gallup Pakistan Report on Perceptions Regarding Imran Khan's Three Years of Government) Read full report here:https://t.co/EtybGMh15e pic.twitter.com/p7ooen6EkA
— Gallup Pakistan (@GallupPak) September 7, 2021
معاشی حوالے سے 45 فیصد عوام حکومت کی کارکردگی سےمطمئن ہیں جبکہ 44 فیصد نے عدم اطمینان کا اظہار کیا ہے. گیلپ کے مطابق 48 فیصد عوام کا خیال ہے کہ حکومت نے کرپشن کے خلاف تسلی بخش اقدامات کیے جبکہ 40 فیصد اس بارے میں حکومت کو ناکام قرار دیتے ہیں.
58% of Pakistanis believe the performance of Imran Khan’s government with respect to handling relations with other countries has been good.: (Gallup Pakistan Report on Perceptions Regarding Imran Khan's Three Years of Government) Read full report here:https://t.co/EtybGMh15e pic.twitter.com/8Bd82ukHiD
— Gallup Pakistan (@GallupPak) September 7, 2021
تین سالہ حکومتی کارکردگی کی بات کی جائے تو 48 فیصد عوام کا خیال ہے کہ عمران خان کی حکومت نے بہتر کارکردگی دکھائی جبکہ 45 فیصد نے عدم اطمینان کا اظہار کیا جبکہ 7 فیصد لوگوں نے اس بارے میں رائے نہیں دی.
واضح رہے کہ گیلپ عوامی سروے میں 1200 افراد کی رائے لی گئی اور یہ سروے 23 اگست سے لیکر 30 اگست کے درمیان کیا گیا.