اسوقت تقریبا 2670 ارب صرف ٹیکس کے مقدمے عدالتوں میں لٹکے ھوۓ ھیں۔ ٹیکس ،بجلی گیس کی چوری ھر سال کئی ھزار ارب کی ھوتی ھے۔ جس کا بوجھ عام آدمی اٹھاتا ھے۔ اور ملک مقروض اور دیوالیہ ھے ۔ ھرقسم کے ریاستی وسائل کی چوری معاشی دھشت گردی کے زمرے میں آنی چاہئیے اور ٹیکس بجلی گیس وغیرہ کے…
— Khawaja M. Asif (@KhawajaMAsif) September 7, 2023
لاہور: سابق وزیر دفاع اور لیگی رہنما خواجہ محمد آصف کا کہنا ہے کہ ملک مقروض اور دیوالیہ ہے، ٹیکس، بجلی اور گیس چوروں کو دہشت گرد ڈیکلیئر ہونا چاہیے۔ سماجی رابطے کی ویب سائٹ ایکس پر اپنے بیان میں مسلم لیگ (ن) کے رہنما خواجہ آصف نے کہا ہے کہ اس وقت تقریباً 2670 ارب روپے صرف ٹیکس کے مقدمے عدالتوں میں لٹکے ہوئے ہیں، ٹیکس، بجلی اور گیس کی چوری ہر سال کئی ہزار ارب روپے کی ہوتی ہے جس کا بوجھ عام آدمی اٹھاتا ہے۔ سابق وزیر دفاع خواجہ آصف نے کہا ہے کہ ملک مقروض اور دیوالیہ ہے، ہر قسم کے ریاستی وسائل کی چوری معاشی دہشت گردی کے زمرے میں آنی چاہیے، ٹیکس، بجلی اور گیس وغیرہ کے چوروں کو دہشت گرد ڈیکلیئر ہونا چاہیے اور یہ چور اس وقت مراعات یافتہ طبقے کا حصہ ہیں۔ مسلم لیگ (ن) کے رہنما خواجہ محمد آصف نے مزید کہا ہے کہ جو حکومتی ملازمین چوری کی معاونت کرتے ہیں وہ بھی معاشی دہشت گرد ہیں ان کو عام قوانین کی بجائے دہشت گردی کے قوانین کا سامنا کرنا چاہیے ورنہ معاشی تباہی خدانخواستہ ہمارا مقدر بن جائے گی۔