ویب ڈیسک: بھارتی ٹینس اسٹار ثانیہ مرزا نے رواں سال حج کی ادائیگی کیلئے روانہ ہونے سے قبل اہم پیغام سوشل میڈیا پر جاری کردیا۔
تفصیلات کے مطابق ثانیہ مرزا نے انسٹاگرام پر ایک پوسٹ جاری کی جس میں انہوں نے عازمینِ حج کی فہرست میں شامل ہونے پر اپنے جذبات کا اظہار کیا۔
انہوں نے لکھا کہ میرے دوستوں اور چاہنے والوں، مجھے رواں سال حج کا بلاوا آیا ہے جیسا کہ میں اس وقت اس تبدیل کر دینے والے سفر کی تیاری میں لگی ہوئی ہوں تو آپ سب سے ان گناہوں یا غلطی کی معافی مانگنا چاہتی ہوں جو مجھ سے جان بوجھ کر یا انجانے میں ہوئے۔
انہوں نے لکھا کہ یہ عظیم سعادت حاصل ہونے پر میرا دل عاجزی اور شکر گزاری سے بھرا ہوا ہے اور میری دعا ہے کہ اللہ میری عبادت کو قبول کرے اور میری رہنمائی کرے۔
انہوں نے مزید لکھا کہ برائے مہربانی مجھے اپنی دعاؤں میں یاد رکھیے گا اور میں اس سفر سے واپس ایک بہتر انسان بن کر آنا چاہتی ہوں جس کے دل میں نرمی ہو اور ایمان میں مضبوطی ہو۔
واضح رہے کہ ثانیہ مرزا کے علاوہ انکی بہن انعم مرزا اور بہنوئی محمد اسد الدین نے بھی اپنے انسٹاگرام اکاؤنٹ پر حج کی سعادت حاصل ہونے کی خبر شیئر کی ہے۔