ویب ڈیسک : 18 سالہ برطانوی ڈرائیور اولیور بیئر مین سعودی گراں پری فارمولا ون میں حصہ لینے والے کم عمر ترین ڈرائیور۔۔۔ شاندار ڈیبیو سے شائقین کی توجہ حاصل کرلی ۔
اپنی فیراری اسپورٹس میں بیئرمین گرڈ پر 11 ویں نمبر تھے جس کو حاصل کرنے کے لیے انہوں نے بے پناہ پختگی اور مہارت کے ساتھ قدم بڑھایا۔
بیئرمین F1 ریس میں حصہ لینے والے سب سے کم عمر برطانوی ڈرائیور کے طور پر ریکارڈ بک میں داخل ہوں گے اور وہ 1990 میں نائجل مینسل کے بعد فراری کی دوڑ لگانے والے پہلے انگلش ڈرائیور بھی ہوں گے۔ بئیر مین کو فیراری نے مختصر نوٹس پر جدہ طلب کیا تھا جب کہ سینز اسپینارڈ کو اپینڈیسائٹس کی تشخیص ہوئی تھی انہیں آپریشن کیلئے اسپتال داخل کرلیا گیاتھا۔
بیئر مین ریسرز کے خاندان سے تعلق رکھتا ہے، اس کے دادا، چچا اور والد سب ریسر رہ چکے ہیں اور بئیر مین نے 2013 میں جب وہ آٹھ سال کا تھا تو کارٹنگ میں شامل رہ چکا ہے۔
سنگل سیٹرز میں شفٹ ہونے پر اس نے 2021 میں جرمن اور اطالوی F4 دونوں ٹائٹل جیتے جس کے آخر میں اسے فیراری نے اپنی اکیڈمی کے حصے کے طور پر لے لیا۔ F3 میں ایک ہی سیزن کے بعد اسے پچھلے سال F2 میں ترقی دی گئی تھی ۔