ویب ڈیسک: پاکستان کے نوجوان کرکٹر معاذ صداقت نے کیریبین پریمیئر لیگ (سی پی ایل) میں شاندار بیٹنگ کا مظاہرہ کرتے ہوئے تاریخ رقم کردی۔ وہ سی پی ایل کی تاریخ میں تیز ترین سنچری اسکور کرنے والے کم عمر ترین کھلاڑی بن گئے۔
جمیکا کنگز کی نمائندگی کرتے ہوئے معاذ صداقت نے بارباڈوس ٹرائیڈنٹس کے خلاف جارحانہ اننگز کھیلی اور صرف 44 گیندوں پر سنچری مکمل کی۔ انہوں نے مجموعی طور پر 49 گیندوں کا سامنا کرتے ہوئے 8 چھکوں اور 9 چوکوں کی مدد سے 112 رنز بنائے۔
بارباڈوس ٹرائیڈنٹس نے جمیکا کنگز کو 145 رنز کا ہدف دیا تھا، جسے جمیکا کنگز نے معاذ صداقت کی شاندار اننگز کی بدولت صرف ایک وکٹ کے نقصان پر حاصل کرلیا اور میچ میں 9 وکٹوں سے کامیابی حاصل کی۔
معاذ صداقت نے کم عمر ترین سنچری میکر کا اعزاز حاصل کرنے کے ساتھ ساتھ 44 گیندوں پر سنچری بنا کر سی پی ایل کی تاریخ کی تیز ترین سنچریوں میں بھی اپنا نام درج کروا لیا۔