ویب ڈیسک: معروف اداکارہ علیزے شاہ نے فوٹو اینڈ ویڈیو شیئرنگ ایپ انسٹاگرام پر ایک اور جلوؤں سے بھرپور ویڈیو اپلوڈ کردی، گویا انہوں نے ٹھان لی ہے وہ کسی بھی چیز کی پرواہ نہ کرتے ہوئے جو چاہیں گی وہ کرتی رہیں گی۔
تفصیلات کےمطابق ویڈیو میں علیزے شاہ بولڈ کپڑوں میں بے باک انداز میں دکھائی دے رہی ہیں، ان کے جسم پر ایک ٹیٹو بھی نظر آرہا ہے، ویڈیو کے کیپشن میں علیزے شاہ نے لکھا ہے کہ ’جہاں آپ کو سچی محبت ہوجائے‘۔
گزشتہ بار کی طرح اس بار بھی علیزے شاہ نے کمنٹ کرنے کا آپشن بند کرکے اپنےچاہنے والوں یا پھر ہیٹرز کو کچھ بولنے کا موقع ہی نہیں دیا۔
خیال رہے کہ یہ پہلا موقع نہیں کہ اداکارہ اپنے لباس کے حوالے سے تنازع میں گھِری ہوں بلکہ شاید انہیں شہرت کا یہ راستہ زیادہ آسان نظر آتا ہے اور وہ تواتر کے ساتھ مختصر لباس میں اپنی ویڈیوز اور تصاویر شیئر کرتی رہتی ہیں۔