صدر زرداری اور فضل الرحمان کی ملاقات، 27 ویں آئینی ترمیم پر مشاورت

ویب ڈیسک: پاکستان پیپلز پارٹی کے شریک چیئرمین اور صدر مملکت آصف علی زرداری سے جمعیت علمائے اسلام (ف) کے سربراہ مولانا فضل الرحمان کی ملاقات ہوئی ہے، جس میں پی پی چیئرمین بلاول بھٹو زرداری بھی موجود تھے۔

ذرائع کے مطابق، ملاقات میں 27ویں آئینی ترمیم کے حکومتی مسودے پر تفصیلی مشاورت ہوئی، اور رہنماؤں نے ملک کی موجودہ سیاسی صورتحال پر بھی تبادلہ خیال کیا۔ اس دوران مختلف سیاسی امور پر بھی گفتگو کی گئی اور مستقبل میں کی جانے والی حکومتی اقدامات کے حوالے سے تبادلہ خیال کیا گیا۔

واضح رہے کہ اس سے قبل وزیر داخلہ محسن نقوی نے بھی صدر آصف علی زرداری اور بلاول بھٹو سے ایک اہم ملاقات کی۔ اس ملاقات میں محسن نقوی نے پی پی قیادت سے مولانا فضل الرحمان کو 27ویں ترمیم کے حوالے سے قائل کرنے کی درخواست کی۔ ذرائع کے مطابق، پی پی قیادت نے محسن نقوی کو یہ جواب دیا کہ وہ مولانا فضل الرحمان سے اس آئینی ترمیم پر بات کریں گے۔

ملاقات کے دوران محسن نقوی نے پی پی قیادت کو 27ویں ترمیم کی مختلف شقوں پر بھی آگاہ کیا اور ان پر تفصیل سے بات کی۔ پی پی قیادت کا کہنا تھا کہ تمام معاملات مشاورت کے ذریعے طے کیے جائیں گے، تاکہ قومی مفاد میں بہترین فیصلے کیے جا سکیں۔

ملاقات کے بعد صدر آصف علی زرداری اور وزیر داخلہ محسن نقوی، پی پی رہنما قادر پٹیل کے بیٹے کی شادی میں شرکت کے لیے روانہ ہوں گے، اور مولانا فضل الرحمان بھی ان کے ہمراہ ہوں گے۔