ٹی 20 ویمن ایشیاء کپ میں پاکستان نے یو اے ای کو 71 رنز سے شکست دے دی۔ پاکستان ویمن ٹیم نے متحدہ عرب امارات کی ٹیم کو جیتنے کیلئے 146 رنز کا ہدف دیا تھا جس کے تعاقب میں یو اے ای ویمن ٹیم کو مقررہ 20 اوورز میں 5 وکٹ پر 74 رنز بنا سکی۔متحدہ عرب امارات (یو اے ای) ویمن کی طرف سے خوشی شرما 20 رنز بنا کر نمایاں رہیں۔ پاکستان کی جانب سے سدرہ اقبال، ایمن انور، نشرح سندھو اور عمیمہ سہیل نے ایک ایک وکٹ لی۔ قبل ازیں پاکستان ویمن نے مقررہ 20 اوورز میں 5 وکٹ پر 145رنز بنائے تھے۔ پاکستانی ٹیم کی جانب سے عالیہ ریاض نے 57 رنز کی ناقابلِ شکست اننگز کھیلی تھی جبکہ منیبہ علی 43 اور ندا ڈار نے 25 رنز بنائے تھے۔ یو اے ای کی جانب سے عشا اُزا نے 22 رنز دے کر 3 وکٹیں لیں۔