(ویب ڈیسک ) معصوم بچوں کے ساتھ جنسی زیادتی اور اغواء کا معاملہ ، اسلام آباد پولیس کے سب انسپکٹر کی ضمانت بعد از گرفتاری خارج کردی گئی۔
خیال رہے کہ ایف آئی اے اینٹی کرپشن سرکل اسلام آباد نے ملزم کے خلاف مقدمہ درج کر کے گرفتار کیا تھا۔ سب انسپکٹر نے 2 معصوم بچوں کو غیر قانونی حراست میں رکھا، ملزم کو اسلام آباد سے گرفتار کیا گیا تھا۔
ایڈیشنل سیشن جج عدنان رسول لارک کی جانب سے ملزم کی ضمانت بعد از گرفتاری خارج کی گئی۔ ایف آئی اے کی جانب سے اسسٹنٹ ڈائریکٹر لیگل میر محسن الدین عدالت میں پیش ہوئے۔
ملزم تھانہ شمس کالونی میں تعینات تھا، ملزم نے اختیارات کا ناجائز استعمال کرتے ہوئے بچوں پر ظلم و زیادتی کی تھی۔ ملزم معصوم بچوں کے جنسی استحصال میں ملوث ہے۔ ملزم کے خلاف ٹارچر اینڈ کسٹوڈیل ایکٹ کے تحت مقدمہ درج تھا۔