ویب ڈیسک: بھارتی کرکٹ بورڈ (بی سی سی آئی) کے نائب صدر راجیو شکلا نے آئی سی سی ٹی ٹوئنٹی ورلڈکپ میں پاک بھارت میچ کے لیے مذاکرات کے نتیجے کو بڑی کامیابی قرار دیا۔
راجیو شکلا نے بھارتی میڈیا سے گفتگو کرتے ہوئے کہا کہ آئی سی سی کے نمائندوں کی باہمی رضامندی سے ہونے والی بات چیت خوش آئند ہے، جس میں کرکٹ کی اہمیت کو ترجیح دی گئی۔ انہوں نے کہا کہ آئی سی سی کے چیئرمین کی نگرانی میں پی سی بی اور بنگلا دیش کرکٹ بورڈ کے نمائندے لاہور گئے اور مسئلہ حل کیا۔
بی سی سی آئی کے نائب صدر نے مزید کہا کہ آئی سی سی کی کوششوں سے کرکٹ پھر سب سے اہم بنی، اور 15 فروری کو ہونے والے میچ کا انعقاد ایک اچھی خبر ہے۔
#WATCH | Delhi | On Pakistan to play against India at T20 cricket World Cup, BCCI Vice-President Rajeev Shukla says, "I am delighted to see the outcome of the deliberations initiated by ICC representative, supervised by the ICC Chairman and the representatives who had gone to… pic.twitter.com/3x9xSDyGMB
— ANI (@ANI) February 10, 2026
راجیو شکلا نے بنگلا دیشی کرکٹ بورڈ کی تعریف کرتے ہوئے کہا کہ مذاکرات میں انہیں بھی ریلیف ملا، اور وہ خوش ہیں کہ آئی سی سی نے ان کے لیے بھی اقدامات کیے۔
واضح رہے کہ حکومت پاکستان نے قومی کرکٹ ٹیم کو 15 فروری کو بھارت کے خلاف میچ کھیلنے کی اجازت دے دی ہے۔