علی پور ( پبلک نیوز) رستم جنوبی پنجاب و معروف پہلوان کلیم پچار نہاتے ہوئے کرنٹ لگنے سے جاں بحق تفصیلات کے مطابق کلیم پچار کی عمر پینتیس سال تھی۔ کلیم پچار پہلوان قومی سطح پر بھی پہلوانی کا مظاہر کر چکے تھے۔ وہ عالمی چیمپئین انعام بٹ کے قریبی ساتھی تھے۔ ان کی محض دوسال قبل شادی ہوئی تھی اور ان کے ہاں ایک ماہ قبل بیٹے کی پیدائش ہوئی تھی۔ کلیم بچار پہلوان مرحوم کی نماز جنازہ ان کے آبائی گاؤں میر ہزار خان میں ادا کی گئی۔ نماز جنازہ میں پاکستان کے نامور چمپئن انعام بٹ، سابق ایم این اے جمشید دستی سمیت ہزاروں افراد نے شرکت کی۔