ویب ڈیسک: بالی وڈ اداکارہ کرینہ کپور کی ویک اینڈ وائبز پر نازیبا سیلفی سوشل میڈیا صارفین کے لہو گرما گئی۔
تفصیلات کے مطابق فلم ’ریفیوجی‘ سے بالی وڈ کی دنیا میں قدم رکھنے والی اداکارہ کرینہ کپور کیلئے یہ سال کامیابیوں کا سال ثابت ہوا، فلم ’کریو’، ’بکنگھم مرڈرز’، اور ’سنگھم اگین’ کی کامیابیاں سمیٹنے کے بعد اداکارہ کرینہ کپور ان دنوں اپنی فیملی کے ہمراہ کوالٹی ٹائم گزار رہی ہیں۔
حال ہی میں کرینہ کپور نے فوٹو اینڈ ویڈیو شیئرنگ ایپ انسٹاگرام پر پوسٹ شیئر کی جس میں انہیں سیف علی خان کے ہمراہ قیمتی یادیں سمیٹتے دیکھا گیا۔
بکنی میں ملبوس کرینہ کپور نے ان جھلکیوں کو بنا کسی فلٹر کے اپلوڈ کیا جو انکی خود اعتمادی کو ظاہر کرنے کیلئے کافی تھیں۔
دوسری جانب سیف علی خان بھی مالدیپ کے حسین موسم کو انجوائے کرتے سمندر کی موجوں میں قیمتی یادیں سمیٹتے نظر آرہے ہیں۔
چھٹیوں کے لمحات کو اور بھی خاص بناتی ان تصاویر کو شیئر کرتے ہوئے کرینہ نے کیپشن میں لکھا کہ ’ہفتے کی سیلفیاں’۔
دوسری جانب کرینہ کپور کی آؤٹنگ پوز سوشل میڈیا صارفین سمیت شوبز شخصیات کی جانب سے بے حد پسند کی جارہی ہیں۔