(ویب ڈیسک) وزیر خارجہ اسحاق ڈار نے بحیرہ احمر میں تجارتی جہاز پر حوثیوں کے حملے میں 3 پاکستانیوں کے جاں بحق ہونے کی پرزور الفاظ میں مذمت کی ہے۔
نائب وزیر اعظم اسحاق ڈار نے سماجی رابطے کی ویب سائٹ ایکس پر کہا کہ تجارتی جہاز پر حوثیوں کے حملے میں 3 پاکستانی جاں بحق اور ایک زخمی ہوا، ایسے حملے بے گناہ انسانی جانوں اور بحری سلامتی کے لیے سنگین خطرہ ہیں۔
I have learnt with deep concern about the unfortunate incident involving an attack on a commercial vessel in the Red Sea. According to the information available so far, three Pakistani nationals have lost their lives and one has sustained injuries in the incident. We extend our…
— Ishaq Dar (@MIshaqDar50) August 12, 2026
انہوں نے کہا کہ واقعے کی مزید تفصیلات جاننے کیلئے متعلقہ سعودی حکام اور یمن حکومت سے رابطے میں ہیں۔
اسحاق ڈار نے مزید کہا کہ ریاض میں پاکستانی سفارت خانے کو میتوں کی وطن واپسی اور زخمی شہری کو ہر ممکن طبی سہولیات فراہم کرنے کی ہدایت کی ہے۔