ویب ڈیسک: (شکیل خٹک) ڈومیسٹک کرکٹرز کے لئے بری خبر، کھلاڑیوں کے معاوضوں پر کٹ لگ گیا۔
ذرائع کے مطابق ڈومیسٹک کرکٹرز کے معاوضوں میں بڑی کمی کر دی گئی۔ کرکٹرز کی میچ فیس میں 30 ہزار روپے کا کٹ لگا دیا گیا ہے۔ کرکٹرز کو 40 ہزار روپے کی بجائے 10 ہزار روپے ملیں گے۔
ذرائع کا کہنا ہے کہ ٹورنامنٹس کی تعداد بڑھنے پر ڈومیسٹک کرکٹرز کا معاوضہ کم ہو گیا۔ نیشنل ٹی ٹونٹی کپ میں کرکٹرز کواب کم معاوضہ ملے گا۔
پی سی بی ذرائع کا کہنا ہے کہ قومی کرکٹرز کو گزشتہ سیزن کے مقابلے میں مجموعی طور پر زیادہ معاوضہ مل رہا ہے۔ گزشتہ سیزن کے مقابلے میں ٹورنامنٹس کی تعداد بڑھائی گئی ہے۔ ٹورنامنٹس کی تعداد بڑھنے کی وجہ سے نیشنل ٹی ٹونٹی کپ کی میچ فیس میں کمی ہوئی۔
یاد رہے کہ نیشنل ٹی ٹونٹی کپ 14 مارچ سے شروع ہو رہا ہے جس میں 16 ریجنز کی 18 ٹیمیں حصہ لیں گی۔
پی سی بی نے90خواتین کرکٹرز کو کنٹریکٹ دے دیے:
پی سی بی نےڈومیسٹک کرکٹ کھیلنے والی 90 ویمنز کرکٹرز کو کنٹریکٹ دے دیے۔ خواتین کرکٹرز کو 2024-25 سیزن کے لئے کنٹریکٹ دیئے گئے ہیں۔
پی سی بی ترجمان کے مطابق کنٹریکٹ پانے والوں میں انڈر19 کی 18 کھلاڑی شامل ہیں۔ ایمرجنگ کیٹیگری کی 62 اور انٹرنیشنل کھیلنے والی 10 کھلاڑی شامل ہیں۔ خواتین کرکٹرز کو کنٹریکٹ ویمنز کرکٹ کی نیشنل سلیکشن کمیٹی کی سفارشات پر دیے گئے۔
خواتین کرکٹرز کو کنٹریکٹ جولائی 2024 سے جون 2025 کے لیے دیے گئے ہیں۔