ویب ڈیسک:16 اگست سے پیٹرول کی قیمت میں معمولی اضافے اور ڈیزل کے نرخ میں بڑی کمی کا امکان ہے، پٹرولیم انڈسٹری نے پٹرولیم مصنوعات کی قیمتوں کے حوالے سے ورکنگ مکمل کرلی۔
ذرائع کے مطابق پٹرولیم انڈسٹری نے ڈیزل 11 روپے 75 پیسے فی لیٹر سستا کرنی کی سفارش کی ہے، 16 اگست سے قیمت 285 روپے 83 پیسے سے کم ہوکر 274 روپے ا8 پیسے فی لیٹر ہونے کا امکان ہے۔
پیٹرول ایک روپیہ32 پیسے مہنگا کر کے فی لیٹر قیمت 265 روپے 93 پیسے کرنے کی تجویز ہے جبکہ اس وقت پیٹرول کی فی لیٹر قیمت 264.61 روپے ہے ۔
مٹی کا تیل 6 روپے 25 پیسے کمی کے بعد 179 روپے21 پیسے فی لیٹر ہونے کی توقع ہے۔
لائٹ ڈیزل آئل 7 روپے 11 پیسے کمی کے بعد 163 روپے 25 پیسے ہونے کا امکان ہے، اوگرا ورکنگ کی بنیاد پر 15 اگست کو سمری وفاقی حکومت کو بھیجے گی، وزیراعظم کی منظوری کے بعد نئی قیمتوں کا نوٹی فکیشن جاری کیا جائے گا۔