ویب ڈیسک: وزیراعظم شہباز شریف نے جشن آزادی کے سلسلے میں خصوصی تقریب کے دوران ملک کیلئے جانوں کا نذرانہ پیش کرنے والوں کو سلام پیش کرتے ہوئے کہا کہ بجلی کی قیمتوں میں کمی سے متعلق جلد آپ کوخوشخبری ملے گی، چند دنوں میں 5 سالہ معاشی پروگرام پیش کروں گا۔
تفصیلا ت کے مطابق شہبازشریف نے کہا کہ حکومت بجلی کےبلوں میں کمی کیلئےکام کررہی ہے، بجلی کے بلوں میں کمی کےبغیرصنعت،زراعت ترقی نہیں کرسکتی، خون کےآخری قطرےتک بجلی کےبلوں میں کمی کرنےکیلئےجان لڑاؤں گا۔
یہ بھی پڑھیں: 6سالہ لڑکی کی عصمت دری،سرکاری ملازم حیوان بن گیا
وزیراعظم نے کہا کہ مہنگائی اور بجلی کےبلوں سے عوام پریشان ہیں، ہم اس حالت تک کیسے پہنچےاس کی تلاش کرنی ہے، ہمیں احتساب کرکےمستقبل کی منصوبہ بندی کرناہوگی، بدقسمتی سےمعیشت ودیگرشعبوں میں زوال آتارہا۔
وزیر اعظم شہبازشریف کا کہنا تھا کہ آج کایوم آزادی سب کو مبارک ہو، آج ارشد ندیم نے سونے کا تغمہ جیتا کر پورے ملک کا سر فخر سے بلند کیا، ارشد ندیم قوم کے ہیرو ہیں۔
انہوں نے کہا کہ اللہ تعالیٰ کا شکر ادا کرتے ہیں کہ ہمیں آزادی جیسی نعمت سے نوازا ،آزادی کیلئے ہمارے بزرگوں نے عظیم قربانیاں دیں، پاکستان کیلئے خون کا نذرانہ پیش کرنے والوں کو سلام پیش کرتا ہوں، قائداعظم کی لیڈر شپ میں آباؤ اجداد نے قربانیاں دیں۔
یہ بھی پڑھیں: وفاقی وزیر کا موٹرسائیکل اور رکشہ ڈرائیورز کیلئےمفت پیٹرول دینےکااعلان
شہبازشریف کا کہنا تھا کہ ہندوستان اور سامراج سے آزاد ہوکر پاکستان اسلامی فلاحی مملکت بنا،1947کو پاکستان ہندوستان سے الگ ہوکر ایک اسلامی فلاحی مملکت بنا،77سال کے دوران بحیثیت قوم ہمارا سفر قابل رشک نہ ہوسکا، معیشت سمیت دیگر شعبوں میں بتدریج زوال آتا رہا،ہم ہچکولے کھاتے رہے،مہنگائی،بےروزگاری سے پریشان عوام کا پورا خیال ہے۔
وزیر اعظم نے کہا کہ اقتدار کی کشمکش،اندرونی اور بیرونی سازشیں اس میں شامل تھیں،تمام بہنوں،بھائیوں کو سلام جنہوں نے پاکستان کیلئے خون کا نذرانہ پیش کیا، ہمیں ماضی سے سبق حاصل کرکے منصوبہ بندی کرنا ہوگی۔
ان کا کہنا تھا کہ کامیابیوں اور ناکامیوں کی ایک لمبی فہرست ہے، چند روز میں قوم سے خطاب کروں گا، خطاب میں 5سالہ معاشی پروگرام پیش کروں گا، چند دنوں میں آپ کو بجلی کی قیمتوں میں کمی کی خوش خبری ملے گی۔
شہبازشریف نے کہا چین نے پاکستان کے دوسال بعد آزادی حاصل کی، ہم چین سے آگے تھے لیکن پیچھے رہ گئے، دشمن ڈیجیٹل دہشتگردی کا ہتھیار استعمال کررہا ہے، ڈیجیٹل دہشتگردی کے ذریعے نوجوانوں کو گمراہ کیا جارہا ہے، نوجوان خود کو فساد،انتشار اور فریب کے فتنوں سے محفوظ رکھیں۔
وزیراعظم کا مزید کہنا تھا کہ فلسطین میں ہونے والے مظالم پر دل افسردہ ہے، غزہ میں مظالم کی تاریخ میں مثال نہیں ملتی، مقبوضہ جموں وکشمیر،فلسطین کی آزادی تک ان کے ساتھ کھڑے رہیں گے، دشمن ہم سے خائف ہے، ہمیں اپنے احتساب کی ضرورت ہے، ہمیں متحد ہو کرمستقبل کی منصوبہ بندی کرنا ہوگی۔
ان کا کہناتھا کہ گزشتہ77سال میں ہماراسفرقابل رشک نہیں رہا، تمام بہنوں بھائیوں کوسلام جنہوں نےپاکستان کیلئےخون کانذرانہ پیش کیا۔