حکومت نے معیشت بچانے کیلئے مشکل فیصلے کئے ہیں:احسن اقبال

حکومت نے معیشت بچانے کیلئے مشکل فیصلے کئے ہیں:احسن اقبال
منصوبہ بندی اور ترقی کے وزیر احسن اقبال نے کہا ہے کہ حکومت نے معیشت کو بچانے کیلئے مشکل فیصلے کئے ہیں۔ آج(منگل) اسلام آباد میں صحافیوں سے گفتگو کرتے ہوئے انہوں نے اعتماد ظاہر کیا کہ آئندہ چندماہ میں معیشت مستحکم ہوجائے گی۔ احسن اقبال نے کہا کہ موجودہ حکومت زرعی شعبے پر خصوصی توجہ دے رہی ہے اور گندم، چینی اور کپاس کی پیداوار بڑھانے کیلئے کاشتکاروں کو مراعات دی گئی ہیں۔انہوں نے کہا کہ پام آئل کی پیداوار میں اضافے سے اس کی درآمد پر ملک کا زرمبادلہ بچانے میں بھی مدد ملے گی۔ احسن اقبال نے کہا کہ حکومت ترقیاتی منصوبوں پر بھی توجہ دے رہی ہے۔ انہوں نے کہا کہ قبائلی اضلاع کی ترقی کیلئے سرکاری شعبے کے ترقیاتی پروگرام میں پچپن ار ب ڈالر مختص کئے گئے ہیں جو اب تک مختص کی جانے والی سب سے بڑی رقم ہے۔
ایڈیٹر

احمد علی کیف نے یونیورسٹی آف لاہور سے ایم فل کی ڈگری حاصل کر رکھی ہے۔ پبلک نیوز کا حصہ بننے سے قبل 24 نیوز اور سٹی 42 کا بطور ویب کانٹینٹ ٹیم لیڈ حصہ رہ چکے ہیں۔