(ویب ڈیسک) بھارت کی ریاست یو پی میں طاقتور طوفان کے باعث ایک شخص ہوا میں اڑ گیا، جس کی ویڈیو سوشل میڈیا پر وائرل ہوگئی ہے۔
بھارتی ریاست اترپردیش کے ضلع بریلی میں طوفان کے دوران ایک حیران کن واقعہ پیش آیا جس کی ویڈیو سوشل میڈیا پر تیزی سے وائرل ہو رہی ہے۔
رپورٹس کے مطابق گاؤں بامیانہ میں 13 مئی کو آنے والے شدید طوفان کے دوران ننھے میاں نامی شخص ٹین کے شیڈ کو بچانے کے لیے اس کی رسی پکڑے کھڑا تھا، مگر تیز ہواؤں نے شیڈ سمیت اسے بھی فضا میں اُڑا دیا۔
A dramatic video from UP's Bareilly has surfaced, showing a man being violently tossed several feet into the air by powerful winds during a severe storm. Clinging desperately to a tin shade, the victim was suddenly hurled skyward before crashing back to the ground. pic.twitter.com/23InPSYN4f
— Piyush Rai (@PiyushRaiUP65) May 14, 2026
ننھے میاں کے مطابق وہ تقریباً 30 سے 40 فٹ بلندی تک ہوا میں چلا گیا، جس کے بعد قریب 50 فٹ دور جا گرا۔ اس نے بتایا کہ جس رسی کو اس نے سہارا سمجھ کر پکڑا تھا، وہ تیز آندھی کے سامنے بے بس ثابت ہوئی۔
Meet Nanhe Miyan - the man who was tossed at least 50-feet in air by strong wind in Bareilly district of Uttar Pradesh. He survived with multiple fractures on his body. https://t.co/Zm2yUAh4d5 pic.twitter.com/iyNSn1Mwvd
— Piyush Rai (@PiyushRaiUP65) May 14, 2026
زمین پر گرنے کے نتیجے میں اس شخص کی کئی ہڈیاں ٹوٹ گئیں، جس کے بعد اسے فوری طور پر اسپتال منتقل کر دیا گیا۔
واضح رہے کہ 13 مئی کو اتر پردیش کے مختلف علاقوں میں آنے والے شدید طوفان نے بڑے پیمانے پر تباہی مچائی۔ بھارتی میڈیا کے مطابق طوفان سے کم از کم 89 افراد ہلاک، 53 زخمی جبکہ 87 گھروں کو نقصان پہنچا۔