(ویب ڈیسک ) پنجاب حکومت کی جانب سے مزید 6سرکاری جامعات کے وائس چانسلر کی تعیناتی کر دی گئی۔
تفصییلات کے مطابق وزیر اعلیٰ پنجاب کی منظوری کے بعد نئے وائس چانسلرزکی تعیناتی کا نوٹیفکیشن جاری کردیا گیا ہے۔
پروفیسر ڈاکٹر سعید احمد وائس چانسلر یونیورسٹی آف بھکر تعینات کیا گیا ہے جبکہ پروفیسر ڈاکٹر اشفاق احمد وائس چانسلر غازی یونیورسٹی ڈی جی خان تعینات ہوگئے ہیں ۔
پروفیسر ڈاکٹر یاسر نواب وائس چانسلر یونیورسٹی آف کمالیہ ، پروفیسر ڈاکٹر فہیم آفتاب وائس چانسلر یونیورسٹی آف جھنگ، پروفیسر ڈاکٹر سجاد مبین جو وائس چانسلر یونیورسٹی آف اوکاڑہ تعینات کر دیا گیا۔ پروفیسر ڈاکٹر زبیر ابو بکر وائس چانسلر یونیورسٹی آف لیہ تعینات کر دیے گئے۔
ان وائس چانسلرز کی تعیناتی چار سال کے لیے کی گئی ہے۔