اسلام آباد ( پبلک نیوز) قومی اسمبلی اجلاس میں ہنگامہ آرائی کے دوران تحریک انصاف کی رکن ملیکہ بخاری زخمی ہوگئیں۔
تفصیلات کے مطابق اراکین کی جانب سے ایک دوسرے پر کتابیں اچھالنے کے دوران اڑتی ہوئی کتاب ملیکہ بخاری کے منہ پر جا لگی، کتاب لگنے سے ملیکہ بخاری کی آنکھ متاثر ہوئی ہے۔
آج قومی اسمبلی میں بجٹ پر بحث کے لیے ہونے والے اجلاس میں اس وقت ہنگامہ کھڑا ہو گیا جب قائد حزب اختلاف میاں محمد شہباز شریف تقریر کر رہے تھے۔ اس دوران حکومتی اور اپوزیشن ارکان آمنے سامنے آ گئے۔
ملیکہ بخاری خاتون رکن اسمبلی کی آنکھ پر بجٹ بک ماری گئی ہے جس سے انکی آنکھ زخمی ہوگئی۔ #ن لیگ اراکین اسمبلی کو خواتین کی عزت اور آبرو کا بھی کوئی احساس نہیں ہے۔ pic.twitter.com/4SW6TgB23E
— Ch Fawad Hussain (@fawadchaudhry) June 15, 2021
سامنے آنے والی ویڈیو میں دیکھا جا سکتا ہے کہ تقریر کے دوران حزب اقتدار کی جماعت پاکستان تحریک انصاف کے رکن قومی اسمبلی اور وزیر اعظم عمران خان کے معاون خصوصی برائے امور کیپیٹل ڈویلپمنٹ اتھارٹی علی نواز اعوان کی جانب سے حزب اختلاف کی جماعت پاکستان مسلم لیگ ن کے رکن قومی اسمبلی شیخ روحیل اصغر کو بجٹ دستاویز مار دی گئی۔