28 سالہ حسینہ نے 'مس یونیورس' کا اعزاز اپنے نام کر لیا

امریکا کی آر بونی گیبریل نے کائنات کی سب سے خوبصورت حسینہ ( مس یونیورس) کا اعزاز حاصل کر لیا ہے ۔ امریکہ کے شہر نیو اورلینز میں 71 ویں مس یونیورس مقابلے کا انعقاد ہوا ، مس یونیورس کے مقابلے میں دنیا بھر سے 84 خواتین نے شرکت کی تھی اور مس امریکا کا اعزاز اپنے پاس رکھنے والی آر بونی گیبریل مس یونیورس بننے میں بھی کامیاب رہیں ۔ اس سال مقابلے میں پہلی بار شادی شدہ اور ماں بن جانے والی خواتین کو بھی مس یونیورس کے مقابلے میں شرکت کی اجازت دے دی گئی تھی ۔ 28 سالہ آر بونی گیبریل پہلی فلپائنی نژاد امریکی خاتون ہیں کہ جو مس یونیورس بننے میں کامیاب ہوئیں ، دلچسپ بات یہ ہے کہ مس یونیورس مقابلے میں زیادہ سے زیادہ عمر کی حد 28 سال رکھی گئی تھی اور آر بونی گیبریل پھر بھی اس ٹائٹل کو اپنے نام کرنے میں کامیاب رہیں۔ وینزویلا کی ایمنڈا ڈیوڈمیل کے حصے میں دوسرا جب کہ ڈومینکن ری بپلک کی اینڈرینا مارٹینز تیسرے نمبر پر رہیں ۔آر بونی گیبریل فیشن ڈیزائنر ہیں جو ریاسٹ ٹیکساس کے شہر ہوسٹن کی رہائشی ہیں اور ماحولیاتی بہتری کو ترجیح دیتی ہیں۔