ویب ڈیسک: سابق وزیراعظم عمران خان کی سابق اہلیہ جمائما گولڈ اسمتھ نے وزیراعظم شہباز شریف سے انسانی بنیادوں پر اپیل کی ہے کہ ان کے بیٹوں سلیمان اور قاسم خان کو اپنے والد سے ملاقات کے لیے فوری ویزے جاری کیے جائیں۔
سوشل میڈیا بیان میں جمائما نے کہا کہ دونوں بیٹوں نے جنوری میں ویزا کے لیے دوبارہ درخواست دی تھی، تاہم 60 دن گزرنے کے باوجود کوئی پیش رفت نہیں ہوئی۔ ان کے مطابق پاکستانی قونصل خانے کے مطابق آن لائن ویزا کا عمل عموماً 7 سے 10 ورکنگ دنوںمیں مکمل ہو جاتا ہے۔
انہوں نے کہا کہ دونوں بیٹوں نے 2022 میں عمران خان پر ہونے والے قاتلانہ حملے کے بعد سے اپنے والد کو نہیں دیکھا اور نہ ہی انہیں فون یا خط کے ذریعے رابطے کی اجازت ہے۔
My sons Sulaiman & @kasim_khan_1999 applied for visas in January (again… ) to allow them to visit their father @ImranKhanPTI in Pakistan. The Pakistan consulate states that online visa processing normally takes 7–10 working days. It has now been 60 days. This despite the public…
— Jemima Goldsmith (@Jemima_Khan) March 16, 2026
جمائما گولڈ اسمتھ نے وزیراعظم سے اپیل کی کہ عمران خان کی خراب ہوتی صحت کی خبروں کے پیش نظر ملاقات کی اجازت فوری دی جائے۔
یاد رہے کہ عمران خان اس وقت اڈیالہ جیل میں قید ہیں اور حالیہ دنوں میں ان کی صحت اور جیل میں سہولیات سے متعلق قانونی و سیاسی بحث جاری ہے۔